Publiká riba 20 Novèmber 2026
Ministerio di Gobernashon, Planifikashon i Servisio Públika ta informá ku no lo tin elekshon pa e komishon di bùs chikí i mediano.
Den kaso di e Komishon di bùs chikí i mediano, tabatin eksaktamente 3 (tres) kandidato ku a postulá nan mes, pa e tres posishonnan disponibel den e komishon.
Mirando ku e kantidat di kandidato ta korespondé ku e kantidat di posishonnan disponibel, no ta nesesario pa organisá un elekshon.
Esaki ta nifiká ku e doñonan di pèrmit konserní riba djasabra 21 di novèmber no tin ku presentá na Kranshi pa vota.
E ministerio ta pidi e doñonan di pèrmit konserní pa tuma nota di e komunikado aki i, kaminda ta nesesario, kompartí e informashon aki ku otro personanan konserní.
E elekshon pa representantenan di e Komishon di Taksi si ta sigui manera programá.