Publiká riba 02 Aprel 2023
Willemstad – Ministerio di Tráfiko, Transporte, i Planifikashon Urbani (VVRP) ta hasi un apelashon na tur kumpradó ku a kumpra un vehíkulo riba 29 di mart último durante di e findishi, pa pasa na Bellisimaweg 7, pegá ku LVV, pa por firma e dokumento di traspaso (‘overschrijvingsformulier’) di e vehíkulo, e asina yamá papel ros.
Por pasa riba djaluna 3 di aprel, i djamars 4 di aprel entre 8or di mainta pa 3or di atardi.
Pa kualke informashon adishonal, por mail richenel.mauricia@gobiernu.cw
