Tur pèrmit di trabou ta keda bálido te fin di yüli - Informashon tokante Gobièrnu di Kòrsou Bo opinion

Notisia

Tur pèrmit di trabou ta keda bálido te fin di yüli

Geplaatst op 07 May 2020 dor di Ministerio Desaroyo Sosial, Labor i Bienestar

Willemstad – Minister di Desaroyo Sosial, Labor & Bienestar, Minister Hensely Koeiman, a tuma un desishon dia 28 di aprel 2020 na benefisio di dunadónan di trabou ku pèrmit di trabou. Ela hasi esaki tambe pa tur aktor por tin e espasio nesesario pa atendé ku e aspekto atministrativo di pèrmitnan ku lo kaduká den e temporada difísil ku Kòrsou ta aden.

Minister a tuma e desishon aki konsiderando e impakto ku e medidanan tumá pa kontrarestá plamamentu di  COVID-19 tin riba diverso sektor di nos ekonomia, kupo di trabou i tambe e aspekto operashonal di Sektor di Labor di Ministerio di Desaroyo Sosial, Labor i Bienestar (SOAW).

Ainda no ta sigur ki dia Kòrsou lo por bolbe na e situashon ku tabatin promé ku COVID-19.

Pa brinda e negoshi, e ekstranhero i Sektor di Labor e espasio pa atendé ku pèrmit, Gobièrnu a disidí ku si un pèrmit di trabou ta kaduká entre 30 di mart i 30 di yüli 2020, konforme e desishon nobo (MINIS-BESCHIKKING-SOAW) di gobièrnu, e pèrmit ta keda bálido te 30 di yüli 2020.

Baha (download) e MINIS-BESCHIKKING-SOAW pa bo tuma nota di su kontenido.

Ministerio konserní