Tur persona mester akudí na Marinebasis Parera pa di dos dósis di Pfizer - Informashon tokante Gobièrnu di Kòrsou Bo opinion

Notisia

Tur persona mester akudí na Marinebasis Parera pa di dos dósis di Pfizer

Geplaatst op 11 April 2021 dor di Ministerio Asuntunan General i Promé Minister

Willemstad- Entrante djaluna 12 di aprel próksimo, tur persona ku tin un sita pa risibí e di dos dósis di Pfizer, mester akudí pa esaki na Marinebasis Parera entre 7:30’or di mainta pa 2’or di atardi. Esaki ta nifiká ku e di dos dósis di Pfizer ta keda atministrá únikamente na Marinebasis Parera pero tambe e ta nifiká ku tur persona ku tin sita pa bakuná na un orario despues di 2’or di mèrdia tambe mester akudí entre 7:30’or di mainta pa 2’or di mèrdia. E fecha pa e sita, ta keda igual.

Manera indiká anteriormente, tur esnan ku a risibí un sita despues di 6 siman pa e di dos dósis di Pfizer , próksimamente lo bai haña un fecha nobo via mail ku lapso di 3 siman (21 dia) entre e dósisnan.

Personanan ku ta laborá den un funshon vital i ku ainda mester risibí nan promé bakuna, mester akudí na SEHOS Poli riba e dia i orario di nan sita.

Tur persona ku tin sita pa nan promé dósis di e bakuna kontra COVID-19 entrante djaluna 12 di aprel 2021, lo risibí e bakuna di Moderna. E sitanan akí ta kontinuá na e diferente otro Sentronan di Bakunashon segun e fecha i orario di kada persona su sita .

Ministerio konserní