Bo opinion

Notisia

Último desaroyonan Refineria Isla

Geplaatst op 29 December 2019 dor di Ministerio Asuntunan General i Promé Minister

Ku e informashon aki Gobièrnu ke mustra e resultado positivo ku RdK i PMO a logra pa Kòrsou den ménos ku ku 1 aña di negosashon fuerte. Esaki ta mustra un biaha mas ku nos mes hendenan por logra resultadonan positivo. Djis keda informá bo mes di tur e último desaroyonan rondó dje resultadonan dor di bishitá www.gobiernu.cw, subi página di Facebook Gobièrnu di Kòrsou òf registrá pa haña WhatsApp via +59995640440. Yuda nos kompartí e informashonnan korekto.

Pa un kompania ku tin ku hasi invershon di hopi mion dòlar, e mester por haña su invershon bèk durante un kantidat haltu di aña ku e tin e propiedat. P’esei tabata esenshal sera un kontrato di hopi aña ku Grupo Klesch pa e invertí obligatoriamente den e instalashonnan manera RdK a palabrá kuné pa medio di un kontrato.

Ta masha usual ku kompanianan petrolero ta kumpra produktonan petrolero riba merkado internashonal. Grupo Klesch no ta un eksepshon den e kaso aki i esaki a keda pruebá kaba via un Refineria propio ku nan tin na otro pais.

Pa por kuminsá negoshá riba kondishonnan di trabou pa futuro trahadónan di e Refineria, tabata hopi nesesario pa nos por haña un operadó aseptá nos eksigenshanan pa medio di e negosashonnan promé. Awor ku nos a logra esaki, ta masha normal ku e siguiente paso ta pa yega na trahadónan pa e Refineria.

Ministerio konserní