Publiká riba 06 Yüli 2022
WILLEMSTAD – Resientemente tabatin un agasaho na okashon di despedida di un kolega ehemplar. Minister Ornelio Martina di ministerio di Gobernashon i Servisio Públiko (BPD) huntu ku staf ministerial, tabatin e plaser di tuma despedida di Ruthline Troncon-Anthony ku a baha for di servisio di gobièrnu despues di a laborá 43 aña.
Minister Martina ta deseá Ruthline tur klase di éksito ku e etapa nobo di su bida. Gobièrnu di Kòrsou ta gradisí e pa su empeño durante tur e añanan.
