UOVV ta adaptá su servisio di registrashon, kùrmentu i transporte públiko durante lockdown - Informashon tokante Gobièrnu di Kòrsou Bo opinion

Notisia

UOVV ta adaptá su servisio di registrashon, kùrmentu i transporte públiko durante lockdown

Geplaatst op 29 March 2021 dor di Ministerio Maneho di Gobernashon, Planifikashon i Servisio Públiko

WILLEMSTAD – Servisio di Tráfiko i Transporte (UOVV) ta anunsiá ku e servisio ta habrí pa por registrá, kùr, i hasi kambio di doño di vehíkulo. Tambe UOVV ta atendé ku pèrmitnan pa transporte públiko. Ta hasi un apelashon na tur kliente pa tene kuenta ku e sita pa kùr vehíkulo ta mará na e PLACHI DI DIA. Pues, ora ta traha sita pa kùr, mester traha e sita riba e dia ku bo por kore konforme e plachi di dia.

Pa por hasi uso di servisio di UOVV mester tene kuenta ku e siguiente eksigensianan:

  1. Traha sita konforme bo plachi di dia;
  2. Pa traha sita pa kùr mester manda un e-mail na sita@gobiernu.cw òf info.uovv@gobiernu.cw;
  3. Tur petishon pa transporte públiko p.e. petishon pa pèrmit, eksonerashon pa transportá hende kontra pago i pa shofùr ouksiliar ta sosodé via e-mail na tp.uovv@gobiernu.cw;
  4. Tur ‘intake’ pa transporte públiko ta tuma lugá telefónikamente. Ta risibí e kliente solamente pa hasi entrega di pèrmit, konforme su sita. Tur bishita na UOVV ta bai konforme sita.
  5. UOVV ta enfatisá ku ta pèrmití solamente 1 persona pa kada transakshon;
  6. Orario di servisio ta di djaluna pa djabièrnè di 8’or pa 12’or.

Ministerio konserní