Publiká riba 03 Yüni 2025
Willemstad – Riba djabièrnè 6 di yüni 2025, Ministerio di Tráfiko, Transporte i Planifikashon Urbano (VVRP) ta organisá un dia di training pa tur su empleadonan. E dia aki ta dediká na fortalesé lasonan entre koleganan.
Pa motibu di e aktividat interno aki, sierto departamentu di e ministerio lo ta sera, i otro lo operá ku un servisio mínimo.
Esaki ta inkluí ofisina prinsipal di VVRP na Arrarat, Servisio pa Tráfiko i Transporte (‘keuringslokaal’), Domeinbeheer, Servisio pa Planifikashon Urbani (ROP), Servisio pa Obra Públiko (OW), Servisio Meteorológiko, Outoridat di Aviashon Sivil, i Outoridat Marítimo.
Nos ta pidi komprenshon di komunidat i ta gradisí adelantá pa e konsiderashon.
Entrante djaluna 9 di yüni 2025, e ministerio lo habri bèk normal i ta disponibel pa sirbi manera kustumber.
