Notisia

WILLEMSTAD – Den kuadro di duna informashon tokante e trayekto di digitalisashon  di enseñansa, Ministerio di Enseñansa, Siensia, Kultura i Deporte huntu ku vários ‘stakeholder’ ta tene un webinar informativo i interaktivo pa informá tur maestro i dosente di e trayekto menshoná ariba. E aktividat den forma di un selebrashon ta tuma lugá riba 14 di òktober 2021, 3’or di mèrdia di forma virtual.

E webinar ta speshalmente pa duna informashon i mustra riba importansia di e maestro den e totalidat di e proyekto, asina selebrando dia di maestro 2021. E ta tuma lugá via di e aplikashon di Microsoft Office 365. Durante di e webinar, minister i e tim di digitalisashon huntu ku direktivanan di skolnan lo bai splika kon a kuminsá, kiko a logra i unda nos ta bai. Dosentenan di tur skol ta risibí un ‘link’ via di nan skol pa nan por registrá i asina partisipá. Ta bai tin oportunidat pa hasi pregunta i tambe tur ku a partisipá ta haña un sertifikado digital. Alabes lo bai presentá vários video di skolnan i tambe di e ‘stakeholder’ nan manera EY, Digicel, BTP, Inova, NetPro, Dataplanet i mas. 

Aki ta sigui un invitashon spesial di parti di Minister Sithree ‘Cey’ van Heydoorn:

MAS NOTISIA

Ministerio konserní: Enseñansa, Siensia, Kultura & Deporte