Notisia

Minister van Heydoorn presente na Weganan Interinsular Aruba 2026

Willemstad – Di 26 pa 29 di mart 2026, Minister  di Enseñansa, Siensia, Kultura i Deporte (ESKD) sr. Sithree van Heydoorn ta na final di weganan Interinsular 2026 ku lo tuma lugá na Aruba. E evento ta reuní skolnan di Kòrsou, Aruba i Bonaire pa kompetí den diferente disiplina deportivo, promové espíritu patriotismo, desaroyo personal i kolaborashon entre e islanan.

Pa e deporte di vòlibòl Marnix College VSBO ta representá Kòrsou.

Pa loke ta trata atletismo, diferente skol lo kompetí den vários kategorianan:

• Kategoria 2 mucha muhé: Dr. Albertschweitzer FO i Maria Immaculata Lyceum
• Kategoria 2 mucha hòmber: Kolegio Annie Koenraad i Johan van Walbeeck
• Kategoria 3 mucha muhé: Dr. Albertschweitzer VSBO i SGO
• Kategoria 3 mucha hòmber: Maria Immaculata Lyceum i Dr. Albertschweitzer HAVO

Den e disipliná di aquathlon, e siguiente skolnan ta presente:

• Kolegio Alejandro Paula
• Dr. Albert Schweitzer HAVO
• Vespucci College
• International School of Curaçao
• Radulphus College

E Weganan Interinsular ta un evento di gran importansia pa mantené e unidat entre di islanan Korsou, Aruba i Bonaire.  Tur gastu di e hóbennan ku ta biaha pa Aruba, ta keda kubri pa ministerio di ESKD i Federashon Desaroyo Deportivo Korsou (FDDK).

Minister van Heydoorn, huntu ku ministerio di ESKD,  ta deseá tur partisipante hopi éksito i ta sigur ku nan lo representá nos Dushi Korsou di un forma digno.

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte