‘Wegmarkering’ riba Helmin Magno Wiels Boulevard entrante djarason 14 di febrüari
Publiká riba
13 Febrüari 2024
Willemstad – Servisio pa Obra Públiko (OW) ta informá ku entrante djarason 14 di febrüari lo kuminsá marka kaminda riba Helmin Magno Wiels Boulevard. Trabounan lo tin un durashon di mas o menos 1 luna. Lo traha for di 9or di anochi te ku 5or di mainta pa minimalisá e efekto riba tráfiko.
Meta di markamentu di kaminda ta pa yuda guia e outombilista i asina kontribuí na seguridat di tráfiko.
Kontratista CWM ta enkargá ku e trabounan aki, i lo repartí e trabounan den diferente fase. Lo desviá tráfiko segun fase. Di e forma aki, e molèster lo ta minimal.
OW ta hasi un apelashon na tur outomobilista pa kore ku koutela durante ehekushon di e trabounan aki.
