Publiká riba 18 Òktober 2024
WILLEMSTAD -Minister di Enseñansa, Siensia, Kultura i Deporte (ESKD) sr. Sithree van Heydoorn tabata presente huntu ku sr. Vergilly Winklar direktor di FDDK, sr. Marc Steffelaar di CCC sport Surfaces/Greenfield i sr. Pierre Montesant di CWM na momentu ku a hasi e anunsio ku ta bai pone yerba nobo den Stadion di Ergilio Hato.A duna splikashon di e tereno i kon e yerba nobo aki ta bai benefisia deporte i e kosto hopi abou di mantenshon. E kompania CCC Sport Surfaces/Greenfield tin vários trayekto kaminda nan a pone e yerba aki den diferente pais. Riba na website por tuma nota di hopi trabou ku ya nan a hasi. Bishitá na https://www.gccsportsurfaces.nl/blog/
Tambe prensa a haña oportunidat pa hasi pregunta i a kontesta esakinan di akuerdo ku e informashon ku por a duna. A splika ku e yerba aki ta keda di test di diferente forma i ku e ta sertifika pa FIFA. Pues e yerba ta di bon kalidat. Tambe a indiká ku e yerba ku ta kita aki na stadion por keda usá na otro vèltnan pero mester hasi e chekeo i preparashon nesesario promé ku bai pone na otro vèlt. Tambe a informá ku tin atenshon pa basta kos mas na SDK i ku pronto ta sigui ku mas anunsio pa ku e fasilidatnan deportivo.
Minister di ESKD sr. Sithree van Heydoorn a indiká ku asina aki e ta pone e proyektonan kana konforme loke a keda primintí. Ku hopi entusiasmo minister a yama tur ku a kolaborá huntu pa esaki bira un realidat mas danki.
Pa mas potrèt por bishitá: Yerba Nobo na SEH
