Publiká riba 05 Novèmber 2026
Ayera, 4 di novèmber 2026, Inspekshon di Remedi a imponé un Instrukshon (Aanwijzing) riba tur botika i botikario pa nan habri nan botika konforme lei bèk (8:00am pa 7:00pm).
Awe mainta supervisornan di Inspekshon di Salubridat a pasa na tur 33 botika na Kòrsou pa kontrolá kumplimentu ku e Instrukshon akí.
For di e kòntròl akí a konstatá ku e siguiente 25 botikanan no a kumpli ku e Instrukshon:
A konsekuensia di e inkumplimentu akí, Inspektor di Remedi a imponé un Last Onder Dwangsom riba tur e botikanan ariba menshoná.
E Last Onder Dwangsom ta enserá ku si pa 13:00’or di mèrdia awe nan no kumpli ku e Instrukshon, nan mester paga un Dwangsom di XCG 10.000,- pa kada dia òf parti di dia, te na un máksimo di XCG 100.000,-.
Inspekshon di Remedi ta sigui supervá kumplimentu ku lei pa asina garantisá suministro i aksesibilidat di remedi na Kòrsou.