Bishita na Krèsh Dede Pikiña

Minister Sithree van Heydoorn a lesa kuenta pa e muchanan den kuadro di e

proyekto: “bestia bou di laman “.

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn a haña un invitashon di Krèsh Dede Pikiña, pa e chikitin nan sera konosí ku Minister i pa Minister lesa un kuenta den kuadro di e proyekto: “bestia bou di laman”, pa e muchanan di 0 pa 4 aña.

E Krèsh den kuadro di proyekto aki, ta invitá un persona konosí den komunidat na inisio i klousura di e proyekto. Durante di e periodo ku a pasa e krèsh a siña e muchanan di vários bestia ku ta biba bou di laman i tambe di aktividatnan akuátiko.

E lidernan di e krèsh huntu ku tur e muchanan a interkambiá i gosa durante di e bishita di Minister sr. Sithree van Heydoorn. Na final Minister a lesa un kuenta di e Piska ‘Titi’. Kabesante sra. Ethline Caciano i lider di e proyekto a keda sumamente kontentu ku e bishita di Minister na e krèsh. Na final Minister di ESKD sr. Sithree van Heydoorn a yama e lidernan danki pa e invitashon i a deseá nan un felis dia, gradisiendo nan pa e trabou balioso ku nan ta ehersé.

—

KOMUNIKASHON

** riba e potrètnan athunto por tuma nota di e bishita na Krèsh Dede Pikiña. Pa mas potrèt por bishitá: Bishita na Krèsh Dede Pikiña.