Willemstad – Minister di Hustisia Gilmar Pisas ta felisitá tur e trahadonan di Kuerpo Polisial. Dia 1 di òktober ta “Dia di Trahadonan di Kuerpo Polisial”.
Minister di Hustisia ta gradisí kada un miembro di Kuerpo Polisial pa tur e trabounan inkansabel ku ta keda ehersé diariamente. Danki i nos ta spera ku boso lo sigui ehekutá boso trabou manera debe ser.
Den tur organisashon tin kosnan bon i ménos bon ta tuma lugá. Loke ta bon pa nos hasi ta pa semper keda fiha riba e kosnan bon i laga esakinan ta un motivashon pa nos por sigui bai dilanti. Pa ku e kosnan ménos bon lo ta ideal pa nos por siña for di esakinan, drecha e loke tin di drecha, pa asina tòg nos por sigui krese i hasi nos trabounan den un forma aun mas efektivo.
Na nòmber di pueblo di Kòrsou masha pabien ku boso dia i tur kos bon.
Sigui progresá, nos komunidat tin mester di boso.
