Reunion entre Minister Presidènt Rutte di Hulanda i Minister Presidèntnan di Aruba, St. Maarten i Kòrsou
Publiká riba 05 Òktober 2021
Willemstad – Djaluna mainta dia 4 di òktober 2021 tabatin un reunion entre Minister Presidènt sr. Mark Rutte di Hulanda, Minister Presidènt sra. Evelyn Wever-Croes di Aruba, Minister Presidènt sra. Silveria Jacobs di St. Maarten i Minister Presidènt di Kòrsou sr. Gilmar Pisas.
E reunion aki ta tuma lugá kada kuartal kaminda kada bes e reunion ta keda presidí pa un di e paisnan den Reino.
E biaha aki a toka turno pa e Minister President di Aruba sra. Evelyn Wever-Croes presidí e reunion.
Durante di e reunion ta atendé puntonan ku tin di haber ku e situashon den Regio, interkambiá di idea i pensamentu riba puntonan ku e paisnan tin komun i kon por traha huntu pa yega na solushon pa ku e puntonan aki.
E siguiente reunion lo ta dia 10 di yanüari 2022.
