Entrega di Atlas ALCARTA

Willemstad – Ministerio di Enseñansa, Siensia, Kultura i Deporte (ESKD) su sentro di Ekspertisio di Prueba i Eksamen den estrecho koperashon ku Ministerio di Enseñansa, Kultura i Siensia di Hulanda huntu ku e organisashon editorial publisitario ThiemeMeulenhoff ta traha huntu pa adelanto di nos hóbennan di skolnan sekundario. Minister di ESKD sr. Sithree van Heydoorn a hasi entrega di e ALCARTA Atlasnan ku nos a risibí komo donashon na e promé grupo di skolnan sekundario.

E organisashon di ThiemeMeulenhoff a hasi un donashon di 600 atlas ALCARTA na Kòrsou pa e skolnan sekundario. ThiemeMeulenhoff ta traha pa desaroyo di e alumno riba tur tres nivelnan ku ta enseñansa primario, sekundario i profeshonal. Nos a risibí komo donashon e atlasnan di forma ‘hard copy’ i digital. E alumno no mester kana ku e atlas grandi den su tas pero via di un kódigo úniko e por subi riba e website di e organisashon i haña akseso di forma elektróniko na e atlas aki.

E entrega a keda hasi na e skolnan sekundario Radulphus College, Kolegio Alehandro (Yandie) Paula i Omega College. E direktor di skol, Dosente di Aardrijkskunde i alumnonan di e skol a risibí e promé ehemplarnan di forma simbóliko for di Minister Sitree van Heydoorn. Den transkurso di e periodo ku ta bini ta sigui hasi entrega na e otro skolnan sekundario.

—
KOMUNIKASHON

**riba e fotonan athunto por tuma nota di e momentu ku Minister Sithree van Heydoorn ta hasi entrega na e promé grupo di skolnan i por bishitá e link aki pa mas potrèt: Entrega di Atlas