Exness a hasi un donashon di algun tablet pa mucha ku difikultat visual

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn a risibí na su despacho sr. Jacob Wissum ku ta hefe di asuntunan gubernamental di e kompania Exness. E kompania finansiero aki ta bai traha huntu ku Ministerio di ESKD pa nos muchanan ku difikultat visual den kuadro di nan “Corporate Social Responsability (CSR)”. E kompania a hasi entrega di e promé tablet na Minister Sithree van Heydoorn pa muchanan ku difikultat visual.

E inisiativa di Exness a kuminsá pa medio di kombersashon ku eks-Inspektor di Enseñansa sra. Rubia Bitorina. Minister van Heydoorn na e okashon aki a invitá sra. R. Bitorina pa e por tuma nota kon a sigui traha riba e trayekto i alabes pa duna sra. Bitorina honor komo esun ku a inisiá ku e trayekto. Alabes e kolaboradornan di ministerio di ESKD sra. Samira Saab, sra. Nicole Wever i sr. Euclides Perigault Monte tabata tei presente, komo ku nan ta keda enkargá pa kontinuá ku e trayekto aki. Pronto mas informashon di e trayekto aki ta keda publiká.

—

KOMUNIKASHON

**Riba e potrètnan athunto por tuma nota di e momentu ku sr. Jacob Wissum i sr.  Rubel Quamruzzaman di EXNESS a hasi entrega di e promé tablet na Minister di ESKD sr. Sithree van Heydoorn. Pa mas informashon por bishitá: Entrega di Ipad