Gobernador di San Andres di bishita

Minister di ESKD ta yama Gobernador di San Andres, Colombia bon bini

WILLEMSTAD – Minister di Enseñansa, Siensia, Kultura i Deporte sr. Sithree van Heydoorn ta risibí e Gobernador di Archipelago di San Andres, Providencia & Santa Cathalina sr. Everth Hawkins Sjogreen i su delegashon ku ta di bishita na Kòrsou. E Gobernador i su delegashon ta di bishita di 11 pa 14 di desèmber 2022. Nan ta tene reunion i bishitá vários entidat edukativo manera fundashonnan edukashon, institutonan di edukashon, organisashon deportivo i kultural.

Huntu ku un eksperto di idioma sra. Martha Römer-Dijkhoff ku ta kordiná e bishita huntu ku un team di Ministerio di ESKD. Nan ta bishitá diferente lokalidat/skol ku tin di relashoná ku Enseñansa, Deporte i Kultura. Sektornan di Kultura & Deporte i Enseñansa & Siensia tambe ta tene kombersashon i presentashon na e Gobernador i su delegashon.

Miembronan di e delegashon ku ta di bishita ta: Lucila Morelos Páez: Sekretaria di Edukashon, Gene Ogiste: lider di kalidat edukativo di e Sekretaria di Edukashon, Fressman Avila: Kordinadó general, David Cardona: Kordinadó akadémiko i Ricardo Gordon: Eksperto pedagógiko (bilingwe/trilingwe )

Den transkurso di e siman aki Minister di ESKD ta tene un konferensia di prensa huntu ku e Gobernador di San Andres Colombia pa presentá un relato di e bishita na Kòrsou.

—
KOMUNIKASHON
** riba potrèt athunto por tuma nota di  e sena di bon bini ku Minister Sithree van Heydoorn a tene na honor di e bishita i pa mas potrèt bishitá: Facebook di Ministerio di ESKD

MAS NOTISIA

Ministerio konserní: Enseñansa, Siensia, Kultura & Deporte