Gobièrnu ta firma akuerdo ku Fundashon Santa Rosa Angels - Informashon tokante Gobièrnu di Kòrsou

Gobièrnu ta firma akuerdo ku Fundashon Santa Rosa Angels

Gobièrnu di Kòrsou
 

Gobièrnu ta firma akuerdo ku Fundashon Santa Rosa Angels

Publiká riba 19 Ougùstùs 2022

WILLEMSTAD – Ministerio di Enseñansa, Siensia, Kultura i Deporte (ESKD) huntu ku Ministerio di Tráfiko, Transport i Planifikashon Urbano (TTPU) ta firma akuerdo ku Fundashon Santa Rosa Angels. E akuerdo aki ta den kuadro di deporte i ta trata  menaho di e tereno/fasilidat na Santa Rosa.

Minister di ESKD sr. Sithree van Heydoorn a indiká ku konforme e maneho di gobernashon ta traha na e área di deporte pa alsa moveshon den nos pueblo. Paso deporte tin un impakto direkto riba kalidat di bida di tur suidadano i riba salú emoshonal, físiko i mental. Minister di TTPU sr. Charles Cooper a para ketu i duna splikashon na e hecho ku pa firma akuerdo di maneho di un fasilidat i/ò tereno ku un organisashon mester kana e trayekto korekto. Mester hasi tur e envestigashon nesesario pa asina por firma konforme e reglanan vigente.

Ku firmamentu di e akuerdo ku e representantenan di Fundashon Santa Rosa Angels ta logra duna nos mes hendenan oportunidat pa sigui traha na bienestar di Pueblo.

**riba e potrètnan athunto por tuma nota di e firmamentu di e akuerdo ku sr. Edward Martis (presidente) , Sra. Idelmira Remilia (tesorero) i sr. Oscar Palacios (miembro di direktiva) i e Minister di ESKD sr. Sithree van Heydoorn i Minister di TTPU sr. Charles Cooper