Inspekshon pa Salubridat Públiko ta sigui ta operashonal durante e periodo di transishon - Informashon tokante Gobièrnu di Kòrsou

Inspekshon pa Salubridat Públiko ta sigui ta operashonal durante e periodo di transishon

Salubridat Públiko, Medio Ambiente i Naturalesa
 

Inspekshon pa Salubridat Públiko ta sigui ta operashonal durante e periodo di transishon

Publiká riba 19 Yüni 2026

WILLEMSTAD – Minister di Salubridat, Medio Ambiente i Naturalesa (GMN) ta informá institushonnan di kuido, profeshonalnan di salubridat i komunidat di Kòrsou tokante e areglo temporal pa kontakto ku Inspekshon pa Salubridat Públiko.

Den espera di e anunsio ofisial di un Inspektor General nobo pa Salubridat Públiko, e siguiente inspektornan lo sigui fungí komo promé punto di kontakto pa garantisá kontinuidat den supervishon di Salubridat públiko:

• Sr. Sing Pong Lee – Inspektor pa Protekshon di Salubridat
• Sr. Joram Parabirsing – Inspektor di Remedinan
• Sr. Clifford de Lannoy – Inspektor di Medio Ambiente i Naturalesa

Minister di GMN ta enfatisá ku durante e periodo di transishon aki, te na momento ku un Inspektor General no wòrdu nombrá, Inspekshon pa Salubridat Públiko lo sigui ehersé su tareanan i responsabilidatnan di manera normal.

Pronto, Gobièrnu lo hasi e nòmber di e Inspektor General interino ofisialmente konosí pa Salubridat Públiko.