Publiká riba 01 Sèptèmber 2023
WILLEMSTAD – Gobièrnu di Kòrsou a ser notifiká dor di Hulanda ku Hulanda ta buskando un kandidato pa representá e interesnan di Hulanda den Banko Mundial. E proseso pa yega na un kandidato a kana via di un proseso di vakatura habrí, kaminda ku kandidatonan por a reakshoná riba e kriterionan ku Hulanda a pone i kaminda e kandidatonan mester a demostrá ku nan por i ta kapas pa sirbi e interesnan di Hulanda den e organisashon di Banko Mundial.
Komo Gobièrnu nos a ser notifiká di esaki debí ku e kandidato ku Hulanda a haña apto pa e funshon ta sr. E. Rhuggenaath. Komo Gobièrnu nos a gradisí Hulanda pa e konfiansa pa informá nos di antemano i tambe nos a deseá Hulanda i sr. Rhuggenaath éksito ku e trabounan na interes di Hulanda.
Gilmar Pisas
Promé Minister di Kòrsou
