Publiká riba 08 Mei 2026
WILLEMSTAD – Minister di Salú, Medio Ambiente i Naturalesa (GMN), sr. Tyron Boekhoudt, a bishitá Fundashon Alton Paas pa un reunion informativo i rondleiding den e organisashon, ku ta dedika su trabou na rehabilitashon, sosten i inklushon di personanan ku limitashonnan físiko.
Durante e bishita, Minister Boekhoudt a haña hopi informashon den e diferente servisionan i programa ku Fundashon Alton Paas ta ofrese pa promové independensia, mobilidat i kalidat di bida pa nan klientenan. E minister a wordu informá tokante e reto-nan ku e organisashon ta enfrentá, pero tambe tokante e impakto positivo ku nan trabou diario tin riba hopi hende den nos komunidat.
