Publiká riba 27 Ougùstùs 2026
Willemstad, 27 di ougùstùs 2026 – Minister di GMN, Tyron Boekhoudt, a bishitá kuater instituto di kuido na Kòrsou pa hasi entrega ofisial di tilliftnan. Ta trata di Betesda, Hamïed, Birgen di Rosario i Kas Hugenholtz.
E tilliftnan a wordu poné disponibel riba inisiativa di minister Boekhoudt pa e institutonan di kuido aki, den kolaborashon ku SVB. Ku e kontribushon aki, minister ke sostené e institutonan den e trabou importante ku nan ta hasi tur dia pa nan klientenan.
Tilliftnan tin un ròl importante den kuido diario di klientenan ku tin mobilidat limitá. Nan ta yuda personal di kuido pa move i atendé klientenan di un manera mas sigur, i na mes momentu nan ta kontribuí na baha e karga físiko riba nos hendenan den kuido.
Durante e bishitanan, minister Boekhoudt a enfatisá ku bon kuido no ta trata solamente di maneho i medionan finansiero, sino tambe di sostené e personanan ku ta traha den kuido ku solushonnan práktiko.
Invertí den kuido ta invertí den hende.
