Minister Boekhoudt di ministerio di Salubridat Públiko, Medio Ambiente i Naturalesa a bishitá CMC - Informashon tokante Gobièrnu di Kòrsou

Minister Boekhoudt di ministerio di Salubridat Públiko, Medio Ambiente i Naturalesa a bishitá CMC

Salubridat Públiko, Medio Ambiente i Naturalesa
 

Minister Boekhoudt di ministerio di Salubridat Públiko, Medio Ambiente i Naturalesa a bishitá CMC

Publiká riba 22 Yanüari 2026

Willemstad – Djaweps dia 22 di yanüari último Minister Tyron Boekhoudt di GMN a hasi su promé bishita di trabou na Curaçao Medical Center (CMC).

Durante su bishita minister Boekhoudt a sera konosí ku diferente miembro di e tim di maneho di CMC i a haña un presentashon di parti di e Direktor-General di CMC, sr. Johan de Graaf, tokante e situashon di CMC i kiko e instituto ta hasiendo pa garantisá kalidat di kuido aki na Kòrsou. Den e kuadro aki, Minister Boekhoudt a informá tambe tokante e reprogramashon di e operashonnan elektivo pa motibu di problema ku e sistema di sterilisashon, manera a anunsiá pa CMC kuminsamentu di e siman aki. CMC a duna splikashon amplio riba e susesonan di ultimo dianan i a garantisá kalidat i kontinuidat di kuido hospitalario na interes di pueblo di Kòrsou i espesialmente pashèntnan di CMC. Minister Boekhoudt tabata satisfecho ku e informashonnan risibí i espesialmente e aktividatnan ku ta planiá pa e aña aki. Den e kuadro aki a palabrá ku, huntu ku SVB, lo sigui papia ku otro riba medidanan pa baha e listanan di espera di CMC.