Minister Boekhout ta haña sosten di Hulanda pa reforma di Kuido di Ambulans na Kòrsou - Informashon tokante Gobièrnu di Kòrsou

Minister Boekhout ta haña sosten di Hulanda pa reforma di Kuido di Ambulans na Kòrsou

Salubridat Públiko, Medio Ambiente i Naturalesa
 

Minister Boekhout ta haña sosten di Hulanda pa reforma di Kuido di Ambulans na Kòrsou

Publiká riba 31 Mart 2026

Den Haag, Hulanda – Minister di GMN Tyron Boekhoudt, durante su kombersashonnan ku Ministerio di Volksgezondheid, Welzijn en Sport (VWS) i Ambulancezorg Nederland (AZN), a logra sigurá sosten konkreto for di Hulanda pa reforma struktural di ambulancezorg na Kòrsou.

Bou di liderato di minister Boekhoudt, a tuma paso importante pa yega na un sistema di kuido agudo ku ta profesional, efisiente i prepará pa futuro. E kombersashonnan a enfoká riba gobernansa, kapasidat i e strukturanan di kalidad nesesario den cadena di kuido.

Partnernan Hulandes a deklará klaramente nan disponibilidat pa sostené Kòrsou aktivamente den e proseso aki, entre otro via transferensha di konosementu, asistensia tekniko i guia di maneho. Ku esaki, un base fuerte ta wordu pone pa akselerá e agenda di reforma.