Minister di Enseñansa, Siensia, Kultura & Deporte di bishita na Kolegio Annie Koenraad

Willemstad – Minister di Enseñansa Siensia, Kultura & Deporte (ESKD), Sr. Sithree van Heydoorn a sigui ku su bishitanan planeá pa skolnan. Huntu ku funshonario di skol katóliko, señora Jacqueline Mambi-Cijntje, minister a hasi un bishita na skol di Fundeshi Kolegio Annie Koenraad. Durante e bishitá akí, minister a keda risibí pa direktiva di e skol ku ta e kabes di skol Saiseline Welvaart- Senior i yùfrou Racheal de Palm. Kolegio Annie Koenraad ta un skol di fundeshi ku ta konsistí di 285 alumno i ta keda den e área di banda bou na Tera Kòrá.

Direktiva di kolegio Annie Koenraad a duna Minister van Heydoorn un splikashon di e aktividatnan edukativo ku ta tuma lugá den e skol. Tambe durante e bishita akí, minister a dialogá ku tantu e kabes di skol, dosente i funshonario riba tópikonan manera enseñansa, situashonnan sosial ku dosentenan mester atendé i vários punto mas. Riba e mainta minister a haña e oportunidat pa kombersá ku algun studiante di grupo 7/ 8 ku a trese nan punto dilanti tokante di nan skol. Durante e bishitá aki minister por a presensiá e inisio di “leerlingenraad” (konseho di alumno) na Kolegio Annie Koenraad ku ta konsistí di 4 alumno, Chantal Martis, MC Shayberly Bernardus, Richendrick Martina i Fransheini Gouvernuer. Despues a sigui ku rekorido i a pasa serka vários alumno i dosente den e skol. 

Na final, minister Sithree van Heydoor a deseá tur alumno, maestro i dosente tur kos bon i alabes a pidi nan pa sigui ku e bon trabou. Esaki tabata un di e promé bishitanan di minister na skol di Fundeshi Kolegio Annie Koenraad i minister ta sigui ku mas bishitá na skolnan durante di e aña eskolar aki.

Riba e potrètnan athunto por tuma nota di e bishita:

Pa mas potrèt por bishita: Relato Fotográfiko di Bishita na Kolegio Annie Koenraad.