Minister van Heydoorn, den representashon di Promé Minister, a reuní ku e Fundashon VIBA
Publiká riba 25 Novèmber 2021
Willemstad –Minister di Enseñansa, Siensia, Kultura i Deporte Sitree van Heydoorn, den representashon di Promé Minister Gilmar Pisas, a reuní ku e Fundashon VIBA di 22 di novèmber 2021.
Esnan ku a representá Fundashon VIBA tabata sra. Noralyn Mongen, sra. Nihaila Fundador, sr. Edsel Mogen i sra. Thyrza Girigorie.
Durante di e reunion a trata e 8 proyektonan ku Fundashon VIBA ta ehekutá na bienestar di e hóbennan di Bandabou.
E proyektonan aki ta:
1. Proyekto Leerorkest pa Bandabou;
2. Proyekto Ami, mi mes i mi logronan na Bandabou;
3. School di Fishi na Bandabou;
4. Kultivo di karni pa konsumo lokal;
5. VIBA Boerderij;
6. Plenchi rekreativo pa Bandabou;
7. Cyber Café;
8. NOVA.
E representantenan a duna un presentashon kaminda a duna splikashon amplio riba kada un di e proyektonan.
Lo tin di bai evaluá awor di ki forma Gobièrnu por yuda sostené e proyektonan di e fundashon aki.
Fundashon VIBA ta un Fundashon di hóbennan dinámiko, krítiko ku vishon pa Bandabou.
Pa mas informashon por bishitá e página di Facebook di e fundashon: FundashonVishon Bandabou
Minister Sithree van Heydoorn a keda kontentu ku tur e informashon ku e la risibí riba e proyektonan i e funshonamentu positivo di Fundashon VIBA.
