Minister di Enseñansa ta bishitá Fontys Hogeschool

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn, huntu ku su delegashon, a hasi un bishitá ofisial na Fontys Hogeschool na Tilburg. E bishita su meta prinsipal tabata pa krea mihó oportunidat i posibilidat pa studiantenan karibense, pero tambe pa skucha kon e proyekto piloto di duna estudio na distansia ta desaroyando.

 Durante e bishita na Fontys Hogeschool, a papia ampliamente tokante diferente inisiativa ku e skol a tuma pa garantisá ku studiantenan karibense ta sinti nan mes na kas. Tambe a hasi inisiativanan pa guia nan mas tantu posibel pa finalisá nan estudio ku éksito. A informá minister van Heydoorn informá tokante e trayekto piloto ku aktualmente ta tumando lugá kaminda dosentenan di Kòrsou di materianan matemátika, físika, kímika i geografia, ta sigui lès virtual pa asina nan por risibí nan diploma di dosente di promé grado despues di pasa e èksamennan korespondiente. 

 Un momento spesial tabata ora ku e dosentenan ku ta studiando virtualmente for di Kòrsou i studiantenan di Kòrsou ku ta na Hulanda i ku ta bishitá Fontys Hogeschool por a interkambiá ku minister. Pa finalisá, minister a anunsiá ku ministerio di Enseñansa lo paga e gastunan di e estudionan virtual akí pa medio di un ordenansa ministerial ku minister van Heydoorn a firma. Esaki na un balor total di Ang. 45.000,= komo un aporte pa e esfuerso ku e maestronan akí mester hasi pa enrikesé nan mes ku mas konosementu pa por eduká nos yunan muchu mas mihó. 

 E bishita na Fontys Hogeschool ta kuadra ku e meta di minister van Heydoorn ku ta enserá stimulá profeshonalismo di dosente i maestro. Esaki ta un paso mashá importante den e desaroyo pa mehorá nos enseñansa i asina duna un empuhe na nos profeshonalnan den enseñansa. 

— 

Sr. Sithree van Heydoorn 

Minister di Enseñansa, Siensia, Kultura i Deporte 

**Riba e potrètnan athunto por tuma nota di e bishita: