Minister di ESKD ta sera konosí ku Direktor di APS-IT

WILLEMSTAD – Minister di Enseñansa, Siensia, Kultura i Deporte sr. Sithree van Heydoorn a sera konosí ku Direktor di e kompania APS-IT sr. Menno Smidts. E kompania APS-IT ta traha ku e tim di digitalisashon di enseñansa i huntu ta sigui kana e trayekto pa digitalisá henter nos enseñansa.

E direktor sr. Smidts a duna un splikashon amplio riba e treining ku a tuma lugá i tambe a kombersá riba e proyekshonnan pa e trayekto di digitalisashon di enseñansa. E komberashon a bai di forma ameno i por bisa ku e temanan tabata relashoná ku Microsoft 365. Temanan ku ta di importansha ku a kombersá riba dje ta: ‘Splikashon di e proyekto pa enseñansa di Microsoft, seguridat sibernétiko, privasidat di informashon, automatisashon, standarisashon di informashon administrativo, kolaborashon i koperashon di APS-IT i Edutrainers.

Durante di e aña aki ta sigui ku vários aktividat pa ku digitalisashon di enseñansa den su totalidat.

—
Komunikashon

** riba e potrètnan athunto por tuma nota di tur e personanan ku a partisipá na e reunion: Minister sr. Sithree van Heydoorn, Sekretario-General sra. Susan Larmonie, Direktor di APS-IT sr. Menno Smidts, kolaboradornan di Minister sr. Richard Delfina, Kolaborador di maneho sra.Nicole Wever i Presidente di Komishon Digitalisahon di Enseñansa sra. Samira Saab. Pa mas potrèt por bishitá: Kombersashon ku APS-IT