Ministerio konserní
Finansa
Minister di Finansa a duna instrukshon na Ontvanger pa hasi pagonan ku tin di haber ku restitushon di impuesto riba entrada i primanan sosial
Publiká riba 07 Desèmber 2021
Maneho en konekshon ku restitushon di impuesto riba entrada i primanan social
Riba 6 di desèmber último, Minister di Finansa a duna instrukshon na Ontvanger pa hasi pagonan ku tin di haber ku restitushon di impuesto riba entrada (inkomstenbelasting) i primanan social (sociale premies), denter di 15 dia di trabou despues ku Inspectie der belastingen pone e aanslag.
Minister di Finansa a bin tuma nota di keho den komunidat ku ta durando demasiado largu prome ku Ontvanger stort e restitushonnan riba kuenta di banko di e siudadano.
Ku e instrukshon aki, Minister di Finansa kier tin un maneho transparente pa evita ku ta solamente ora un persona tin un konosí na Ontvanger e ta haña su restitutie mas lihe. Esaki ta un derechi ku kada persona tin i tur hende mester haña un trato igual.
Minister di Finansa kier hasi un petishon na tur esnan ku tin derechi riba un restitushon, pa, den kaso ku Ontvanger no tin e informashon aki ainda, duna e kuenta di banko na Ontvanger mas pronto ku ta posibel, di moda ku e proseso di restitushon por kana mas lihe.
Ministerio konserní:
Finansa
