Publiká riba 08 Desèmber 2022
WILLEMSTAD – Minister Ornelio Martina ta na Hulanda pa un bishita di trabou i a bishitá Vereniging Nederlandse Gemeenten (VNG) na Den Haag.
E minister enkargá ku e ministerio di Maneho di Gobernashon, Planifikashon i Servisio Públiko a papia riba restablesé e relashon ku VNG i e oportunidatnan pa kontribushon na inisiativanan di Gobièrnu di Kòrsou pa halsa efektividat i produktividat di e aparato gubernamental.
Minister Martina a haña informashon tokante kiko VNG ta hasiendo riba tereno di digitalisashon di e aparato gubernamental di munisipionan di Hulanda.
Riba e pòrtrèt nos ta mira Minister Martina huntu ku sr. Pieter Jeroense, direktor suplente di VNG ku a la bes ta direktor internashonal di VNG.
