Publiká riba 29 Sèptèmber 2023
WILLEMSTAD – Sekretario di empleado públiko pa ABVO, sr. Raymond Margaritha, a entregá Minister Ornelio ‘Kid’ Martina un dokumento bou di nòmber “Kompensashon Di Empleado Públiko”. Esaki a tuma lugá den presensia di sr. Gregorie Wilson, sekretario di organisashon sindikal ABVO.
Meta di e dokumento ta pa trese uniformidat i igualdat pa loke ta trata kompensashon bou di empleado públiko. E sindikato ABVO a bai hasi un análisis den diferente departamento di gobièrnu i a bin konstatá ku tin un diskrepansia den kompensashon pa trabou. Ku e dokumento akí ABVO ke kontribuí na eliminashon di e diskrepansia.
