Minister Middelhof Ta Bishitá Trahadonan di GMN - Informashon tokante Gobièrnu di Kòrsou

Minister Middelhof Ta Bishitá Trahadonan di GMN

Desaroyo Ekonómiko
 

Minister Middelhof Ta Bishitá Trahadonan di GMN

Publiká riba 22 Òktober 2025

Willemstad – Siman pasa, Minister di Desaroyo Ekonómiko, Roderick Middelhof, a hasi un bishita di sorpresa na e empleadonan di Ministerio di Salubridat, Medio Ambiente i Naturalesa (GMN) na e sitio di SDK (Stadion Ergilio Hato).

Minister Middelhof a ekspresá su apresio pa e esfuersonan di e empleadonan di GMN i a enfatisá e importansia di koperashon entre gobièrnu i komunidat:

“Un isla limpi ta kuminsá serka nos tur. Dor di usa e kònteinernan grandi di shushi, nos ta kontribuí huntu na un Kòrsou mas limpi i saludabel.” 

E kònteinernan di shushi grandi lo keda disponibel riba djasabra 25 i djadumingu 26 di òktober 2025 di 8:00 di mainta pa 5:00 di atardi na SDK (Stadion di Ergilio Hato), Kaya Muizenberg, Santo Domingoweg, Cubaweg/Churchillweg, Churchillweg/Rooseveltweg di manera ku habitantenan tin sufisiente oportunidat pa deshasí di nan shushi grandi korektamente. 

Minister Middelhof ta hasi un yamada na tur hende pa deshasí di nan shushi grof korektamente na e sitionan destina pa esaki!