Klousura di proyekto ‘Waste no more’
Publiká riba 23 Novèmber 2021
Resien Minister Ruthmilda Larmonie-Cecilia a hasi entrega di sertifikado na 15 partisipante, despues ku nan a finalisá e proyekto ‘Waste no more’. Durante e proyekto ‘Waste no more’ e partisipantenan a haña oportunidat pa atkerí eksperensia di trabou, ritmo i disiplina di trabou, siña un fishi den práktika i amplia nan abilidatnan sosial durante e trayekto di un aña. Despues di finalisá e trayekto, e partisipante a haña un trabou, kual tabata meta prinsipal di e proyekto.
E proyekto no a kontribuí solamente na formashon, desaroyo i preparashon di e partisipantenan, pero tambe na redukshon di e problema mundial di kontaminashon di nos medio ambiente.
Na kada un partisipante un biaha mas pabien.
