Minister S. van Heydoorn a reuní ku FEBEKO i Federashon di Softbòl
Publiká riba 09 Novèmber 2022
WILLEMSTAD – Minister enkargá ku deporte sr. Sithree van Heydoorn a reuní ku Direktiva di FEBEKO i Federashon di Softbòl i yega na solushon konkreto. Huntu a yega na solushon pa e final di weganan di Softbòl i Basebòl. A yega na palabrashon ku ta tene e weganan final riba fechanan diferente pa asina e fanatikada tin e oportunidat pa presensiá tur dos e weganan final.
A palabrá ku basebòl ta hunga riba djawèps dia 10 novèmber 2022 na Tio Daou i softbòl riba djabièrnè dia 11 novèmber 2022 na Sam Bunting Ballpark. Minister di ESKD sr. Sithree van Heydoorn ta sumamente satisfecho ku huntu i den harmonia nos ta yega na solushon.
Pa mas info por tuma kontakto ku direktiva di e dos federashon nan.
**************************************
