Minister Sithree van Heydoorn a risibí na su ofisina kapitan di Freewinds

Willemstad – Resientemente minister di Enseñansa, Siensia, Kultura i Deporte (ESKD)sr. Sithree van Heydoorn a risibí na su despacho kapitan di e barku Freewinds, sr. Kenneth Weber (Port CaptainFreewinds). Den representashon di e organisashon Freewinds e kapitan a kòmbersá i interkambiá di pensamentu ku minister tokante vários tópiko. Sr. Weber a hasi entrega di 3 proyekto ku huntu por bai traha ariba pa desaroyo di nos muchanan. 

 Por tradusí e proyektonan akí na hulandes i papiamentu, komo ku ya ta ehekutando esakinan na algun isla den Karibe.  E proyektonan ta:  

• ‘The way to happiness; a common sense guide to living’; 
• ‘La verdad sobre las drogas: creando un mundo libre de drogas’; 
• ‘United for human rights; unique tools for making human rights a global reality’.

A yega na palabrashon konkreto ku ta bai traha huntu pa nos alumnonan sera konosí mas di aserka ku aktividatnan riba e área di horeka i hospitalidat riba e barku Freewinds. Ademas, a palabrá ku minister di ESKD sr. Sithree van Heydoorn ta bai tuma nota di e proyektonan i asina eksplorá e posibilidat pa kolaborá ku e barku Freewinds. 

— 

KOMUNIKASHON 

 **Riba e potrètnan por tuma nota di e bishita.