Minister Sithree van Heydoorn ta deseá Habor Hotel tur klase di éksito

WILLEMSTAD -Minister di Enseñansa, Siensia, Kultura i Deporte (ESKD), Sr. Sithree van Heydoorn a tuma nota ku dia 15 di desèmber próksimo, lo tin un “Soft Opening” di Harbor Hotel (ántes Hotel Otrabanda). Minister van Heydoorn ta felisitá famia Mercelina-Pinedo ku e logro aki i pa kere den Kòrsou.

Kòrsou ta kambiando pa un pais kaminda turismo ta e pila ekonómiko #1, p’esei ta importante pa nos por tin invershonnan den e área aki pa  sigui stimulá i desaroyá turismo na Kòrsou. E invershonan aki ta yuda kontribuí na ekonomia di Kòrsou i habri kuponan di trabou pa nos hóbennan por laborá.

Di kurason nos ta spera ku dia 15 próksimo ora ku “Harbor Hotel” habri su portanan, ku nan lo tin un futuro briante i ku nan lo mustra ku no ta tamaño i/òf grandura ta importante. Pero e servisio ku ta brinda e bishitante, nos no tin duda ku “Harbor Hotel” lo kumpli ku esaki kabalmente.

Pabien i hopi éksito!

—

Sithree van Heydoorn

Minister di Enseñansa, Siensia, Kultura i Deporte

MAS NOTISIA

Ministerio konserní: Enseñansa, Siensia, Kultura & Deporte