Publiká riba 17 Novèmber 2024
WILLEMSTAD – Minister van Heydoorn ta repartí 2 mil karchi grátis pa e dos partidonan di futbòl ku tin djaluna i ku ta tuma lugá na Stadion Ergilio Hato.
Selekshon di Kòrsou lo hunga 7’or di anochi kontra di Saint Lucia i den e wega preliminar pa 4’or di atardi lo tin e partido entre Grenada i Saint Martin.
E 2 mil karchinan lo wòrdu repartí pa tur ekipo húbenil ku tin kategoria U-9 te ku U-17.
Dirigentenan di e ekiponan ku ta kai den e kategorianan menshoná por pasa na FFK djaluna 18 di novèmber pa tuma e karchinan.
Di e forma akí Minister van Heydoorn huntu ku ministerio di ESKD ta kontribuí ku nos hóbennan, pa nan por ta presente den stadion pa apoyá nos selekshon. Mayornan kompañá e hóbennan asina bo tambe ta bin apoyá nos selekshon nashonal.
