Publiká riba 08 Yüli 2026
Willemstad, 8 di yüli 2026 : Ayera den e Plataforma pa Skolnan Sigur a tuma lugá un seshon di sera konosí i interkambio profundo ku representantenan di e Unidat di Edukashon Obligatorio Kòrsou (Leerplicht), Kuerpo di Polis Kòrsou, inkluyendo agentenan hubenil i regisornan di bario, direktivanan di skol, trahadónan sosial i representantenan di Ministerio di Edukashon Siensia Kultura i Deporte.
Presidente di Plataforma Skolnan Sigur, Shalini Jansen-van Uytrecht di Ministerio di ESKD a inougurá e enkuentro, siguí pa palabra di bon biní na nòmber di tim di maneho di KPC di parti di Jules Ilario, tambe a hiba palabra e kordinadó di “Jeugd KPC” di Kuerpo Polisial ku tambe ta miembro di e plataforma sra. Jandira Sophia. Na nòmber di OWCS e direktor di Sektor di Enseñansa i Siensia a presentá e Unidat di Edukashon Obligatorio reforsá, e kuadro legal i e enfoke den e koperashon. E lider di e unidat di Edukashon Obligatorio, sra. Kendra Hersilia-Evertsz tambe a introdusí su tim na esnan presente. Rodney Mambre, na nòmber di KPC a presentá e aserkamentu di polis den e proseso di kuido polisial i e koperashon ku skolnan.
Ku e seshon akí a pone un paso importante den operashon di e Protokòl di Koperashon di Skolnan Sigur, den kua entre otro OWCS, Ministerio di Hustisia, Ministerio Públiko, KPC, UOJZ i e direktivanan di skol ta forma parti dje komo miembronan. E protokòl ta dirigí su mes riba fortalesé un ambiente di edukashon sigur i mehorashon di e koperashon rondó di hóbennan ku ta kore riesgo den nan desaroyo.
Minister di OWCS ta enfatisá ku seguridat i enseñansa ta ligá na otro di forma inseparabel: Un mucha por siña bon solamente ora ku e ta sinti su mes sigur, e ta hanja atenshon i realmente ta bai skol. No a papia solamente di responsabilidat, pero prinsipalmente di konekshon: entre skol, famia, obligashon di edukashon, polis, kuido i hustisia. Esaki ta eksaktamente e aserkamentu integral ku ta nesesario pa señalá na tempu, guia hóbennan di forma oportuno i prevení problemátika pisá mas tantu posibel.
A reforsá e Unidat di Edukashon Obligatorio na 2026, i esaki a krese di tres pa seis funshonario i pa promé bia ku un kordinadó nombrá den e funshon di kordinadó. E unidat den ESKD tin un ròl di konektá skolnan, famianan i sosionan di e kadena, ku atenshon pa aplikashon, guia, detekshon na tempu, kordinashon i supervishon di asistensia eskolar.
Tambe a para ketu na e importansia legal di edukashon obligatorio: Na Kòrsou asistensia na skol ta konta di forma obligatorio pa hóben entre 4 pa 18 aña di edat òf te na momentu kue hoben optené un diploma rekonosé (PKL, TKL, HAVO òf VWO). Mayornan i tutornan tin e responsabilidat legal pa inskribí i asistí nan yu na un skol. Skolnan tin e responsabilidat di supervisá partisipashon di e hóben na enseñansa i pa mèldu na momentu di apsentismo (no outorisá).
KPC a splika ku seguridat di skol ta muchu mas amplio ku aktua den kaso di insidentenan. Polis ta sentralisá riba prevenshon, aplikashon di lei, asistensia, detekshon trempan i duna rekomendashon. Skolnan, trahadónan sosial, mayornan, unidat di edukashon obligatorio, regisornan di bario i agentenan hóben, ta e esensial den un unidat komun.
Durante e diskushonnan a aklará e ròlnan, enkargonan i responsabilidat. E direktivanan di skol presente, DOS, VPCO, RKCS, FSHP, SCOEBG i SOZDA huntu ku trahadónan sosial a duna aporte balioso relashoná ku práktika na skolnan. Ku esaki a pone e base pa kordinashon mas intensivo, rutanan di informashon mas kla, interkambio kuidadoso di informashon den kuadro di privasidat i koperashon struktural den kasonan kompleho.
E liña komun ta kla. Skol ta e promé punto di kontakto, Unidat di Edukashon Obligatorio ta konektá, polis i partnernan di kuido ta sostené i apoyá kaminda ta nesesario. Den kaso di señalnan di apsentismo, inseguridat òf riesgo di desviashon, ta duna guia na tempu. Den situashonnan agudo, manera violensia, posishon di arma òf menasa grave, inmediatamente ta eskalá pa garantisá seguridat di alumnonan, personal i komunidat di skol.
Ku e reunion akí, ministerio nan di ESKD, Hustisia, KPC, direktivanan di skol i e sosionan den e kadena di sosten ta duna kontenido konkreto na un ambishon komun: di Skolnan Sigur, kaminda kada hóben ku ta bai skol ta haña oportunidat pa desaroyá su mes di forma optimal.
