Ministerio di Hustisia a sigui un workshop titulá Ròl di Komunikadó i Social Media
Publiká riba 12 Novèmber 2021
Willemstad –Komunikadónan di Ministerio di Hustisia a sigui un workshop titulá Ròl di Komunikadó i Social Media, tresé pa sra. Lucia Beck i sr. Shurandy Thodé dia 11 di novèmber 2021.
For di 2019 Ministerio di Hustisia ta organisá diferente workshop pa ekipá e trahadónan den kadena hudisial. E biaha akí dos persona boluntario for di Boneiru a trata e tema ya menshoná.
Sra. Lucia Beck ta manager di Komunikashon i sr. Shurandy Thodé ta konsehero di medio di komunikashon digital na Rijksdienst Caribisch Nederland (RCN).
Un total di 24 komunikadó di diferente organisashon, ku ta resortá bou di e Ministerio di Hustisia a partisipá.
Na final di e workshop e partisipantenan por a risibí na sertifikado serka Minister di Hustisia Gilmar Pisas i sekretario general sra. Desiree Lai-Promes
