Outoridat di Aviashon Sivil di Kòrsou tabata anfitrion di “Regiegroep” Aviashon Sivil den Reino

Willemstad – Resientemente, a tuma lugá na Kòrsou e reunion ‘Regiegroep’  entre e diferente Outoridatnan di Aviashon Sivil den Reino Hulandes.

Durante e reunion aki e partisipantenan a deliberá tokante:

• maneho i planifikashon di Aviashon Sivil entre e paisnan den Reino Hulandes,
• kumplimentu ku e regulashonnan di Konvenionnan di Organisashon Internashonal di Aviashon Sivil (ICAO),
• kon e Outoridatnan di Aviashon Sivil den Reino por asistí otro.

Un punto importante ku a logra ta un programa di asistensha tékniko entre Outoridat di Aviashon Sivil di Kòrsou i Ministerio di Infrakstrutura i Maneho Marítimo di Hulanda. Esaki lo ta nifika ku pa fin di otro aña mes lo por implementá e akshonnan korektivo di ICAO, di moda ku lo por bin un auditorio di tantu ICAO komo di ‘Federal Aviation Administration’ (FAA). Esaki den kuadro pa hiba Kòrsou bek na Kategoria 1.

Banda di esaki, tambe a logra un sinkronisashon pa un proyekto di ‘Air Navigation Services’, i tambe a logra koperashon pa un programa di inspekshon konhunto.

Presente tabata e direktornan di Departamentu di Aviashon Sivil di Aruba i St. Maarten, tantu personalmente komo virtual.

Riba e foto por mira e delegashon ku a partisipá.

MAS NOTISIA

Ministerio konserní: Tráfiko, Transporte i Planifikashon Urbano