Idioma di Instrukshon na Ingles pa Skol di Fundeshi

Minister Sithree van Heydoorn a reuní ku Konsul di Mèrka riba skol di Fundeshi na Ingles

WILLEMSTAD – Minister di Enseñansa, Siensia, Kultura i Deporte Sr. Sithree van Heydoorn a reuní ku konsul General Merikano sra. Margy Bond den kuadro di e proyekto English Immersion School. Esaki ta un proyekto kaminda direktiva di skol katóliko ta den proseso di ehekushon ku koperashon di konsulado Merikano.

E meta di e proyekto akí ta pa na kumisamentu di aña eskolar benidero introdusí e promé grupo 1 di skol di Fundeshi na Sint Antonius ku tin idioma ingles komo lenga di instrukshon. Durante di e enkuentro a duna informashon i splikashon mas detayá tokante kontenido di e proyekto. Tambe a elaborá riba e manera kon pa adaptá un kuríkulo eksistente pa e por kumpli ku eksigensianan ku Gobièrnu ta stipulá pa tur skol supsidiá. E ròl i enbolbimientu di inspekshon di enseñansa den e proyekto tambe a keda deskutí paso esaki mester tei pa kontrolá kalidat.
—
KOMUNIKASHON

** riba e potrètnan athunto por tuma nota di e reunion di Minister S.van Heydoorn i Konsul general merikano sra. M. Bond.