Promé Minister Gilmar Pisas a hasi un bishitá na Fundashon Prevenshon na Otrabanda - Informashon tokante Gobièrnu di Kòrsou

Promé Minister Gilmar Pisas a hasi un bishitá na Fundashon Prevenshon na Otrabanda

Ministerio konserní Asuntunan General i Promé Minister
 

Promé Minister Gilmar Pisas a hasi un bishitá na Fundashon Prevenshon na Otrabanda

Publiká riba 16 Novèmber 2021

Willemstad – Promé Minister Gilmar Pisas a hasi un bishitá na Fundashon Prevenshon dia 16 di novèmber 2021 na Otrabanda.
Despues ku Promé Minister a eksperensiá e mini konferensia ku Fundashon Prevenshon a tene dia 9 di novèmber 2021 e la opta pa hasi un bishita na e fundashon, pa asina e por a tuma nota personalmente di tur e trabounan i tèstnan di screening ku e fundashon aki ta hasi pa nos komunidat gratituamente.
E loke a keda presentá na Promé Minister tabata di aploudí.
E fundashon aki ta ekipá di un forma hopi profeshonal, ku un tim di personal adekuá i materialnan di último modelo.
E tabata un plaser pa por a kombersá, risibí informashon i sera konosí ku Fundashon Prevenshon di aserka.
Promé Minister a gradisí sr. Bob Pinedo i henter su staf pa e rekorido ku e la risibí serka nan.