Promé Minister Gilmar Pisas a reuní ku Jandino Asporaat i Sr. Rene Römer
Publiká riba 01 Novèmber 2021
Willemstad – Promé Minister Gilmar Pisas a reuní ku Jandino Asporaat i tambe sr. René Ph. Römer (Dutch Caribbean Securities Exchange) dia 1 di novèmber 2021.
Durante di e reunion aki Jandino a duna informashon riba diferente proyekto ku nan ke kristalisá na Kòrsou.
Promé Minister a pidi si e por haña por eskrito informashon riba tur e proyektonan aki pa asina por analisá kon i di ki forma Gobièrnu por yuda den e kristalisashon di e diferente proyektonan aki.
Sr. Rene Römer na su turno a duna informashon i algun sugerensia riba e parti di bolsa i bono kual por kumbiní nos hendenan den futuro.
Esaki ta nifiká entre otro partisipashon di nos mes hendenan den diferente proyekto aportando ku un suma masha chikí den esakinan.
Adishonal e la duna Promé Minister informashon riba algun otro proyekto ku por nifiká hopi pa Kòrsou.
E reunion a kana den un bon esfera.
