Promé Minister Gilmar Pisas huntu ku Minister Cooper i Minister Cijntje a reuní ku Presidente i CEO di KLM
Publiká riba 27 Novèmber 2021
Willemstad – Promé Minister Gilmar Pisas huntu ku Minister di Tráfiko, Transporte i Planifikashon Urbano
Charles Cooper i Minister di Desaroyo Ekonómiko
Ruisandro Cijntje a reuní ku Presidente i CEO di KLM sr. Pieter J. Th. Elbers dia 27 di novèmber 2021.
Sr. Pieter Elbers tabata kompañá pa sr. Dirk Buitelaar (Regional Manager).
Durante di e reunion aki a toka entre otro e puntonan tokante prijsnan di buelo, pa espeshalmente nos studiantenan, tarifanan haltu na Aeropuerto, oportunidat pa por merkadeá i haña mas buelo for di Europa i diferente otro punto mas ku ta di importansia pa nos Pais.
E reunion tabata unu di kortesia pa e Presidente i CEO di KLM por a sera konosí ku nos ministernan i alabes atendé sierto punto ku por benefisiá nos komunidat i KLM naturalmente.
E reunion a kana den un hopi bon esfera.
