Promé Minister Gilmar Pisas presente na “spantenbier” di e proyekto Elizabeth Villas and Apartments Resort
Publiká riba 11 Òktober 2021
Willemstad – Promé Minister Gilmar Pisas, Minister di Tráfiko, Transporte i Planifikashon Urbano Charles Cooper i Minister di Finansa Javier Silvania, representando Gobièrnu di Kòrsou, tabata presente na e “spantenbier” e proyekto di Elizabeth Villas and Apartments Resort na Mari Pampoen dia 8 di òktober 2021.
E proyekto aki ta unu di un yu di Kòrsou, sr. Koeiman.
Promé Minister Gilmar Pisas , Minister Charles Cooper i Minister di Finansa Javier Silvania tabata entre esnan ku a hiba palabra durante di e okashon aki.
E proyekto aki lo bai konsistí di 100 kas ku ya tur a keda bend’é kaba!
Esaki ta e proyekto di mas grandi ku famia Koeiman a traha riba dje i e famia a indiká ku tin mas proyekto na kaminda, ku un mira positivo pa futuro.
Di parti di Gobièrnu di Kòrsou esaki ta un satisfakshon enorme, debí ku kada invershon lo nifiká mas desaroyó positivo pa nos Pais i mas kupo di trabou!
Promé Minister Gilmar Pisas, na nòmber di Gobièrnu di Kòrsou, a gradisí famia Koeiman pa sigui kere den su propio Pais.
Famia Koeiman a demostrá ku nos por, i ku perseveransia, kurashi i determinashon nos ta logra nos metanan.
