Promé Minister / Minister di Hustisia Gilmar Pisas presente na konmemorashon 50 hubileo di damanan pionero di Kuerpo Polisial - Informashon tokante Gobièrnu di Kòrsou

Promé Minister / Minister di Hustisia Gilmar Pisas presente na konmemorashon 50 hubileo di damanan pionero di Kuerpo Polisial

Ministerio konserní Hustisia
 

Promé Minister / Minister di Hustisia Gilmar Pisas presente na konmemorashon 50 hubileo di damanan pionero di Kuerpo Polisial

Publiká riba 15 Novèmber 2021

Willemstad – Promé Minister / Minister di Hustisia Gilmar Pisas a keda invitá na konmemorashon 50 hubileo di damanan pionero di Kuerpo Polisial (KPC) dia 15 di novèmber 2021 na Archivo Nashonal.
Dia 15 di novèmber 1971 a akontesé un akto históriko na Kòrsou.
Pa promé biaha a pèrmití hende muhé pa forma parti di Kuerpo Polisial di nos Pais.
E damanan aki a habri kaminda pa e ser hende muhé den nos komunidat por ehersé labor den funshonnan ku tabata solamente reservá pa hende hòmber.
Dia 15 di novèmber 2021 a konmemorá e 50 aniversario di e echo históriko aki.
Den kuadro di esaki, apesar ku no por a selebrá e húbilo manera tabata deseá, tòg a opta pa konmemorá e fecha importante aki ku un Santu Sakrifisio di Misa, siguí pa un eksibishon kòrtiku pa e invitadonan na Archivo Nashonal.
Entre e invitadonan tabatin nos Gobernadó sra. Lucille George-Wout, Presidente di Parlamento sra. Charetti America-Francisca i nos Promé Minister sr. Gilmar Pisas.
Promé Minister tabata hopi kontentu di por a mira tur e damanan pionero aki di Kuerpo Polisial un biaha mas di aserka.