Ministerio konserní
Hustisia
Promé Minister/Minister di Hustisia sr. Gilmar Pisas a reuní ku e direktiva di Politie Sport Vereniging
Publiká riba 21 Òktober 2021
Willemstad – Promé Minister/Minister di Hustisia sr. Gilmar Pisas a reuní ku e direktiva di Politie Sport Vereniging (PSV) dia 21 di òktober 2021.
Di parti di e direktiva tabata presente sr. Richie Rich Pieter (presidente), K. Clara (sekretario), sra. E. Andrea (tesorero) i demas miembronan R. Raphela, L. Matheu, V. Flores i S. Rodriguez.
E meta di e reunion aki tabata pa e direktiva por sera konosí ku Minister di Hustisia i alabes kompartí nan plannan di futuro ku e minister.
E direktiva nobo kier lanta e entidat aki su kara bèk i hasi posibel pa e por funshoná manera antes òf mas mihó.
A áreanan ku lo pone mas atenshon riba dje ta e parti sosial, deportivo, edukativo, rekreo i lasonan internashonal.
E direktiva lo sigui eksplorá tambe pa bini kla ku terenonan ku ta nesesario pa nan por logra nan metanan.
E reunion a kana den un bon esfera.
Ministerio konserní:
Hustisia
