Publiká riba 17 Aprel 2026
WASHINGTON– Durante e siman aki Promé Minister di Kòrsou sr. Gilmar Pisas, a tene un reunion ku sra. Barbara Feinstein, ‘Deputy Assistant Secretary of State’ enkargá ku Ofisina pa Asuntunan di Hemisferio Oksidental di Departamento di Estado di Merka, i ku sr. Michael Kozak, ‘Senior Bureau Official’ di e mésun departamento, ku ta responsabel pa kordinashon di polítika na nivel haltu den tur área di e kontinente Amérika.
E diskushon a enfoká riba desaroyonan regional, kooperashon bilateral i oportunidatnan pa profundisá e relashon stratégiko entre Kòrsou i Merka.
Temanan prinsipal diskutí:
Situashon na Venezuela
A interkambiá di bista riba desaroyonan aktual i nan impakto riba stabilidat regional i e situashon humanitario.
Kooperashon ekonómiko i invershon
A papia riba maneranan pa fortalesé e lasonan ekonómiko, atraé invershon i identifiká áreanan pa kolaborashon mutuamente benefisioso.
Kooperashon den hustisia
A dialogá riba fortalesé kooperashon institushonal, inkluso esfuersonan pa transparensia, seguridat i bon gobernashon.
E reunion a reafirmá e relashon duradero entre Kòrsou i Merka i a brinda un bon oportunidat pa interkambiá prioridatnan i sigui fortifiká kooperashon den futuro.
